 |
| 韓信畫像 |
【選文】-真王假王
漢四年，遂皆降平齊。(韓信)使人言漢王曰：「齊偽詐多變，反覆之國也，南邊楚，不為假王以鎮之，其勢不定。願為假王便。」當是時，楚方急圍漢王於滎陽，韓信使者至，發書，漢王大怒，罵曰：「吾困於此，旦暮望若來佐我，乃欲自立為王！」張良、陳平躡漢王足，因附耳語曰：「漢方不利，寧能禁信之王乎？不如因而立，善遇之，使自為守。不然，變生。」漢王亦悟，因復罵曰：「大丈夫定諸侯，即為真王耳，何以假為！」乃遣張良往立信為齊王，徵其兵擊楚。
據《史記•淮陰侯列傳》
漢高祖四年，韓信平定咗齊地。韓信派使者對漢王講：「齊國嘅人好狡猾，係一處反覆無常嘅地方，加埋齊地南面同楚國相鄰，唔搵個代理人睇住班齊國人，局面就唔會穩定，希望漢王你策封我做齊王，暫時管理齊國嘅地方。」當時，楚軍喺滎陽將漢王重重包圍，韓信嘅使者嚟到，漢王打開信一睇，即刻嬲到想殺人，破口大罵：「🤬🤬🤬(編者案：《史記》原文當然沒有粗言，但加左呢幾個emoji更傳神更合劉邦個性)，我喺呢度比項羽圍揼，日夜盼望韓信條衰公嚟救我，依家佢乘人之危要脅我，竟然想自立為王！」漢王身邊嘅張良、陳平暗中踩咗漢王一腳，喺佢耳邊細細聲咁講：「漢軍形勢不利，我地比人㩒住嚟打，憑咩禁止韓信稱王？不如趁呢個機會順勢立佢做王，對佢以禮相待，叫佢自己諗辦法守住齊地。唔係咁做，可能有變亂。」佢兩個點醒左漢王(編者案：劉邦勝在轉數快)，漢王對住使者又隨口鬧一輪(編者案：不忘抽下水)：「男子漢大丈夫打贏咗仗，咁威水就應該做真王，點解只係想做代理人，只要求做個臨時嘅齊王？」於是派張良去冊封韓信為齊王，同埋徵調韓信嘅軍隊攻打楚國。
【說明】
【說明】
漢王 - 就係大家熟悉嘅漢高祖劉邦。
齊 - 現時山東一帶。楚漢相爭時，戰國時齊國後裔建立左齊國，成為楚漢兩大集團爭奪嘅對象。
假 - 解作代理，唔係解唔真實。
【達理點評】
歷史比人嘅感覺往往係悶，寫歷史寫到好似司馬遷咁盞鬼真係前無古人。筆者認為全文最精彩嘅地方係張良、陳平踩劉邦一腳，劉邦立即變臉個一節，最妙就係劉邦對使者講，要封就封真王，假乜鬼😁
你可能會問，司馬遷裝咗晶片落劉邦成班人度咩，點解會知得咁清楚？筆者嘅回覆係：總之好睇就得啦，你當小說咁睇，唔好問咁多啦！
編輯：達理中文
更多「達理中文」資訊：
達理中文facebook
https://www.facebook.com/%E9%81%94%E7%90%86%E4%B8%AD%E6%96%87-109347637599428
沒有留言:
發佈留言